Ысык-Көлдө Формула-1 боюнча дүйнөлүк чемпионатты электр энергиясы менен камсыздоо үчүн бардык пландалган иштер аяктады
30 Июль 2026 ж.
"Кыргызстан улуттук электр тармагы" ААКнын филиалы – Ысык-Көл электр тармактар ишканасы Ысык-Көлдө өтө турган UIM F1H2O "Кыргызстандын Гран-приси" эл аралык мелдешин үзгүлтүксүз электр энергиясы менен камсыздоо максатында пландалган бардык иштерди ийгиликтүү аяктады.
2026-жылдагы капиталдык курулуш планынын алкагында төмөнкү иштер толугу менен аткарылды:
0,7 чакырым 10 кВ СИП-3 аба чубалгысы курулду;
0,2 чакырым 0,4 кВ СИП-2 аба чубалгысы курулду;
1,1 чакырым 0,4 кВ кабелдик чубалгысы тартылды;
Жалпы үч даана 10/0,4 кВ трансформатордук көмөкчордон орнотулду. Анын ичинде:
1 даана кубаттуулугу 1000 кВА;
2 даана кубаттуулугу 630 кВА.
Мындан тышкары, чемпионат өтүүчү күндөрү жооптуу объектилерди резервдик электр энергиясы менен камсыздоо үчүн тиешелүү локацияларга генераторлор даярдалып, жайгаштырылат.
Аталган иштер эл аралык деңгээлдеги спорттук иш-чараны ишенимдүү жана үзгүлтүксүз электр энергиясы менен камсыздоого багытталган. Ысык-Көл электр тармактар ишканасы чемпионаттын жүрүшүндө электр менен камсыздоонун туруктуулугун камсыз кылуу үчүн күчөтүлгөн нөөмөт режиминде иш алып барат.
