Ысык-Көл электр тармактар ишканасынын «Кыргызстан УЭТ» ААК филиалынын жогорку чыңалуудагы аба чубалгылар кызматы 35-110-220 кВ жалпы узундугу 1326,7 км болгон аба электр чубалгыларын тейлейт.
Үстүбүздөгү жылы 2024-2025-жылдардын күз-кыш мезгилине карата оңдоо иштеринин алкагында жогорку чыңалуудагы аба чубалгылар кызматы тарабынан 2025-жылга карата иш планына ылайык 565,4 км аба чубалгылары оңдолду (утурумдук оңдоо).
Ошону менен бирге эскирип, иштөө мөөнөтү өткөн фарфор изоляторлору жаңы айнек изоляторлоруна алмашылууда. Жалпысынан 2025-жылдын башынан бери 1028 изолятор алмаштырылды. Жыл аягына чейин дагы 5503 изоляторор жаңыланат.
Жогоруда көрсөтүлгөн иштер келе жаткан күз-кыш мезгилин ийгиликтүү өтүү үчүн жасалууда жана керектөөчүлөрдү электр энергиясы менен камсыздоо сапатын жакшыртат.
Аймактагы оңдоо иштери тууралуу маалымат Ысык-Көл электр тармактар ишканасынын расмий сайтында жайгаштырылат: https://ipes.nesk.kg/ru/
Ошондой эле “Мой свет” тиркемесине билдирүүлөр келет.
Электр энергиясы менен камсыздоо боюнча бардык суроолор боюнча колл-борборго кайрылыңыз
Колл-борбору : 105; 1209
+996 772 001209
+996 556 001209
