Кыргыз Республикасынын Энергетика министрлиги тарабынан жүргүзүлүп жаткан реформалардын алкагында «КУЭТ» ААКтын филиалы Ысык-Көл электр тармагы ишканасынын Тоң РЭТинде жаңылануу жана күз-кыш мезгилине даярдык иштери бекитилген планга ылайык өз убагында жүрүп жатат.
Быйылкы жылы жүргүзүлгөн техникалык иштердин негизги көрсөткүчтөрү төмөнкүлөр:
🔹 82 даана трансформатор жана 26 чакырым аба чубалгылары техникалык тейлөөдөн өттү;
🔹 20 трансформатор менен 11 чакырым аба линиясы капиталдык оңдоого алынган;
🔹 Коопсуз жана туруктуу электр энергиясын камсыз кылуу максатында 4,8 чакырым алюминий зымдар заманбап СИП зымдарга алмаштырылган;
🔹 Эскилиги жеткен 156 жыгач мамы жаңы темир-бетон мамыларга алмаштырылды;
🔹 Аба чубалгыларынын коопсуз иштешин камсыздоо үчүн 44,9 чакырым трасса боюнча бутактарды кыю жана бактарды тазалоо иштери жүргүзүлдү;
🔹 Мындан тышкары, 5 чакырымга жакын электр линиясы толугу менен реконструкцияланды.
Бул иштердин негизги максаты — Тоң району боюнча электр энергиясын жеткирүүдө үзгүлтүккө жол бербөө, инфраструктураны жаңылоо жана калкка сапаттуу кызмат көрсөтүү.
Пландаштырылган өчүрүүлөр тууралуу маалыматтар расмий сайтка https://ipes.nesk.kg/ru/ жайгаштырылат жана “Мой свет” тиркемеси аркылуу кабарланат.
Электр энергиясы боюнча суроолоруңуз болсо, күнү-түнү иштеген төмөнкү байланыш номерлерине кайрылсаңыз болот: 105; 1209; +996 772 001209; +996 556 001209.
WhatsApp:+996 702 001209
Маалымат үчүн:
Бүгүнкү күндө Тоң РЭТи 10 766 абонентке кызмат көрсөтүп, жалпы 980 чакырым электр зымдарын жана 344 трансформатордук көмөк чордондорду тейлейт.
