Ысык-Көл облусунда жыл башынан бери 10000ден ашык акылдуу эсептегич орнотулду

4 Апрель 2025 ж.

Ысык-Көл электр тармактар ишканасы керектөөчүлөрдү электр жарыгы менен камсыздоонун сапатын жогорулатуу, дебитордук карыздарды азайтуу, максатында акылдуу эсептегичтерди орнотуу иштерин улантууда.

2025-жылы Ысык-Көл облусу боюнча жалпы 55923 акылдуу эсептегич орнотуу пландалган. Анын ичинен:

- Жети-Өгүз РЭТине 15600;

- Балыкыч РЭТине 8700;

- Ак-Суу РЭТине 10700;

- Каракол РЭТине 2223;

-Чолпон-Ата РЭТине 8100;

- Тоң РЭТине 10600 даана акылдуу эсептегичтер орнотулат.

Ал эми 2025-жылдын январь айынан бери облуст боюнча 10333 акылдуу эсептегич орнотулду. Калгандары толугу менен жыл аягына чейин орнотулуп бүтөт.

Акылдуу эсептегичтер:

реалдуу убакыт режиминде көрсөткүчөрдү серверге автоматтык түрдө берет;
электр жабдууларын ашыкча жүктөөдөн сактоого жардам берет;
эсептегичтин иштешине сырттан тоскоолдук кылуу аракеттери жөнүндө автоматтык түрдө билдирет;
дебитордук карыз үчүн автоматтык түрдө өчүрүлөт жана төлөм жүргүзүлгөндөн кийин кошулат;
үзгүлтүксүз электр энергиясы менен камсыз кылат;
берилген электр энергиясынын сапатын жогорулатат;
коррупцияны жоюуга жардам берет;
электр жабдууларын ашыкча жүктөөдөн сактайт.

Маалыматка ылайык, 2024-жылы Ысык-Көл электр тармагы ишкнасы боюнча 15091 кардарга акылдуу эсептегич орнотулду.Анын ичинен12590 даана Түп районуна орнотулду.

Электр энергиясы менен камсыздоо боюнча бардык суроолор боюнча колл-борборго кайрылыңыз

Колл-борбору : 105; 1209

Beeline: +996 772 00 1209

MegaCom: +996 556 00 1209

O! : +996 702 00 1209