Кыргыз Республикасынын энергетика министринин биринчи орун басары Эмилбек Ысманов жана «КУЭТ» ААКтын башкы директорунун биринчи орун басары Шамил Матаев Ысык-Көл облусуна иш сапары менен келишти.
Иш сапардын алкагында алар «Кыргыз Куршевель» мамлекеттик ишканасынын өкүлдөрү жана ошондой эле «КУЭТ» ААКтын филиалы Ысык-Көл электр
тармагы ишканасынын жетекчилиги менен бирге “Үч чоку” долбоорунун курулушун электрификациялоо маселелерин талкуулап, “Үч чоку” долбоору ишке аша турган Ак-Суу районунун Жыргалаң, Ак-Булак и Боз-Учук айылдарына барып, жеринде таанышты.
Натыйжада «Үч чоку» долбоорунун курулушун электрификациялоо боюнча 35/10 көмөк чордонун жана аба чубалгыларын куруу тууралуу бир катар сунуштар каралып, Шахты Жыргалаң айылындагы 35/6 кВ «Жыргалаң» көмөк чордонунун кубаттуулугун жогорулатуу жана 35 кВ Пржевальск – Жыргалаң аба чубалгысын жылдыруу маселелери каралды.
Мындан сырткары энергетика министринин биринчи орун басары Эмилбек Ысманов жана «КУЭТ» ААКтын башкы директорунун биринчи орун басары Шамиль Матаев Ысык-Кол электр тармагы ишканасынын жана Ак-Суу райондук электр тармагынын ишмердүүлүгү менен таанышышты. Алар жеринде авариялык запастарды текшерип, акча каражаттарды чогултуу, дебитордук карыздарды өндүрүү жана жоготууларды азайтуу маселелерин талкуулап, Ысык-Көл электр тармагынын кызматкерлеринин суроолоруна жооп берип, койгойлуу маселелерди чечууго тапшырмалар берилди. Ошону менен бирге күз-кыш айларына даярдануунун маанилүүлүгүн белгилеп, ремонттук компанияны өз убагында жана сапаттуу аткарылышына тапшырма беришти.
