Күз-кыш мезгилинде авариялык өчүрүүлөрдүн санын азайтуу жана берилген электр энергиясынын сапатын жакшыртуу максатында энергетиктер эрте жаздан кеч күзгө чейин пландуу оңдоо иштерин жүргүзүшөт🛠🛠🛠
Ысык-Көл электр тармактарынын көмөк чордон кызматы облус боюнча 35-220кВ 61 көмөк чордонду тейлейт. Алар тарабынан жылдын башынан бери 164 электр жабдуулары капиталдык оңдоодон өткөрүлдү.Алдыда дагы 287 электр жабдыктарын толугу менен оңдоодон өтөт.
Ошондой эле 35-220кВ 38 көмөк чордондорунда 1753 электр жабдыктарын техникалык тейлөөдөн өткөрүштү.
Мындан сырткары 110/10 кВ Ананьево көмөкчордонунда КРУН-10 кВ жана ТСН-10 кВ орнотулду.
Чолпон-Ата көмөк чордонунда май өчүргүчтөр элегаз өчүргүчтөрүнө алмаштырылды. Мындай иштер дагы Ой-Тал, Пржевальск жана Ананьево көмөк чордондорунда жүрөт.
Ошону менен бирге көмөк чордон кызматы тарабынан 1970-жылдары орнотулган, эскилиги жетип, эксплуатация мөөнөтүн эки эсе аткарып буткөн өткөргүчтөрдү жаңы заманбап өткөргүчтөргө алмаштыруу иштери жүрүүдө.
Учурда Кажы-Сай жана Пржевальск подстанцияларында чыңалуу трансформаторун (трансформатор напряжения) алмаштыруу иштери жүрүп жатат
Мындан сырткары ашыкча чыңалуудан коргоочу заманбап электр жабдыктары ортнотулуп жатат.
Оңдоо программасынын көлөмүн өз убагында ишке ашыруу күз-кыш мезгилинин максималдуу электр жүктөмдөрүнүн ийгиликтүү өтүшүн, облустун керектөөчүлөрүн электр энергиясы менен үзгүлтүксүз камсыздоону камсыз кылат.
