«КУЭТ» ААКнын филиалы Ысык-Көл электр тармактар ишканасынын темир-бетон мамыларын чыгаруучу цехи ийгиликту иштеп жатат. Цехте СВ-110 жана СВ-95 маркасындагы темир-бетон мамылары чыгарылат, эмгек өндүрүмдүүлүгү боюнча 2025-жылга айына 140 мамы, жылына 1680 мамы чыгаруу пландалды. Өндүрүш бардык техникалык мүнөздөмөлөргө толугу менен жооп берет.
Маалыматка ылайык, 2024-жылы иштеп жаткан тармактарды реконструкциялоо, эски жыгач мамыларды алмаштыруу, ошондой эле жаңы электр тармактарын капиталдык куруунун көлөмүн көбөйтүү максатында темир-бетон мамыларын чыгаруучу цехи 813 даана темир-бетон электр мамыларын чыгарды.
Ошондой эле 2024-жылы темир-бетон мамыларды чыгаруучу цехте өндүрүшкө материалдарды бөлүштүрүүнү автоматташтырууга арналган дозатор орнотулган.
Эске салсак: «Кыргызстандын улуттук электр тармагы» ААКнын филиалы - Ысык-Көл электр тармактар ишканасынын темир-бетон мамыларын чыгаруучу цехи 2017-жылдан бери Балыкчы райондук электр тармагынын аймагында иштеп келет.
Электр энергиясы менен камсыздоо боюнча суроолор болсо колл-борборго кайрылыңыздар
Колл-борбору : 105; 1209; +996 772 00 1209; +996 702 00 1209
Вотсап: +996 556 00 1209
